டேபிள் டென்னிஸ் தரவரிசை: இந்தியாவின் நம்பர் 1 வீராங்கனையானார் ஸ்ரீஜா அகுலா

புதுடெல்லி: சர்வதேச டேபிள் டென்னிஸ் வீரர், வீராங்கனைகளின் தரவரிசை பட்டியல் வெளியிடப்பட்டுள்ளது. இதில் காமன்வெல்த் விளையாட்டில் கலப்பு இரட்டையர் பிரிவில் சாம்பியன் பட்டம் வென்ற இந்திய வீராங்கனை ஸ்ரீஜா அகுலா ஓர் இடம் முன்னேறி 38-வது இடத்தை பிடித்துள்ளார்.

இதன் மூலம் அவர், இந்தியாவின் நம்பர் ஒன் வீராங்கனை என்ற அந்தஸ்தை பெற்றுள்ளார். ஏனெனில் இந்தியாவின் நம்பர் ஒன் வீராங்கனையாக திகழ்ந்த மணிகா பத்ரா 2 இடங்களை இழந்து 39-வது இடத்துக்கு பின்தள்ளப்பட்டுள்ளார்.