குஜராத் டைட்டன்ஸுடன் இன்று மோதல்: வெற்றிப்பாதைக்கு திரும்பும் முனைப்பில் டெல்லி

புதுடெல்லி: ஐபிஎல் டி20 கிரிக்கெட் தொடரில் இன்று இரவு 7.30 மணிக்கு டெல்லி அருண் ஜேட்லி மைதானத்தில் நடைபெறும் ஆட்டத்தில் டெல்லி கேபிடல்ஸ் - குஜராத் டைட்டன்ஸ் அணிகள் மோதுகின்றன.

ரிஷப் பந்த் தலைமையிலான டெல்லி கேபிடல்ஸ் அணியானது 8 ஆட்டங்களில் விளையாடி 3 வெற்றி,5 தோல்விகளுடன் 6 புள்ளிகள் பெற்று பட்டியலில் 8-வது இடத்தில் உள்ளது. தொடர்ச்சியாக இரு வெற்றிகளை பெற்ற அந்த அணி தனது கடைசி ஆட்டத்தில் 67 ரன்கள் வித்தியாசத்தில் சன்ரைசர்ஸ் ஹைதராபாத் அணியிடம் தோல்வி கண்டிருந்தது.