T20 WC2024 | மே.இ.தீவுகளின் தோல்விக்குக் காரணமான ‘வேண்டாத’ சாதனை!

செயிண்ட் லூசியாவில் நடைபெற்ற டி20 உலகக் கோப்பை தொடரின் சூப்பர் 8 குரூப் 2 ஆட்டத்தில் இங்கிலாந்து எளிதில் வெற்றி பெற்றதற்கு மேற்கு இந்திய தீவுகளின் பேட்டிங் பிரச்சினைதான் காரணம். அதற்காக இங்கிலாந்து அத்தருணங்களில் வீசிய துல்லிய பவுலிங், பட்லரின் கேப்டன்சி சாதுரியத்தை மறுப்பதற்கில்லை.

இந்தத் தொடரின் உண்மையான பேட்டிங் பிட்ச் செயிண்ட் லூசியா பிட்ச்தான். இதைத் துல்லியமாகக் கணித்த பட்லர் முதலில் மேற்கு இந்திய தீவுகளை பேட் செய்ய அழைத்தார். ஆனால் 8 ஓவர்களில் வெஸ்ட் இண்டீஸ் அணி 72 ரன்களை விளாசியிருந்தது. பிராண்டன் கிங் 12 பந்துகளில் 3 பவுண்டரி 1 சிக்சருடன் 23 ரன்கள் எடுத்து காயம் காரணமாக ரிட்டையர்ட் ஆனார்.