தலைமைச் செயலக ஊழியர்கள் கருப்பு பேட்ஜ் அணிந்து பணி
அரசு ஊழியர்களுக்கு பழைய ஓய்வூதிய திட்டம், ஒருங்கிணைந்த ஓய்வூதிய திட்டம், பங்களிப்பு ஓய்வூதிய திட்டம் குறித்து ஆய்வு செய்வதற்காக, மூத்த ஐஏஎஸ் அதிகாரி ககன்தீப் சிங் பேடி தலைமையில், தமிழக அரசு ஓய்வூதியக் குழுவை அமைத்தது.
சென்னை: அரசு ஊழியர்களுக்கு பழைய ஓய்வூதிய திட்டம், ஒருங்கிணைந்த ஓய்வூதிய திட்டம், பங்களிப்பு ஓய்வூதிய திட்டம் குறித்து ஆய்வு செய்வதற்காக, மூத்த ஐஏஎஸ் அதிகாரி ககன்தீப் சிங் பேடி தலைமையில், தமிழக அரசு ஓய்வூதியக் குழுவை அமைத்தது. அக்குழு செப். 30-ம் தேதி தனது அறிக்கையை சமர்ப்பிக்கும் என அறிவிக்கப்பட்டிருந்தது. ஆனால், அத்தேதியில் இடைக்கால அறிக்கையையே சமர்ப்பித்தது.
இந்நிலையில், ஓய்வூதியக் குழு அளித்த இடைக்கால அறிக்கைக்கு எதிர்ப்பு தெரிவிக்கும் வகையில், தலைமைச் செயலக ஊழியர்கள் அக்.6-ம் தேதி அன்று கருப்பு பேட்ஜ் அணிந்து பணியாற்றுவர் என்று தலைமைச் செயலக சங்கம் அறிவித்திருந்தது.
What's Your Reaction?
.jpeg?#)
