விளையாட்டுத் துறையில் இளைஞர்களுக்கு நிறைய வாய்ப்புகள் உள்ளன: இந்திய கிரிக்கெட் வீரர் நடராஜன்

விருதுநகர்: விளையாட்டுத் துறையில் இளைஞர்களுக்கு நிறைய வாய்ப்புகள் உள்ளன. ஆர்வமும் கடின உழைப்பும் இருந்தால் இளைஞர்களால் சாதிக்க முடியும் என்று இந்திய கிரிக்கெட் அணி வீரர் நடராஜன் கூறியுள்ளார்.

விருதுநகர் மாவட்டத்தில் 100-வது ‘காபி- வித் கலெக்டர்’ நிகழ்ச்சி மாவட்ட ஆட்சியர் அலுவலக கூட்ட அரங்கில் இன்று (வெள்ளிக்கிழமை) காலை நடைபெற்றது. இந்நிகழ்ச்சிக்கு மாவட்ட ஆட்சியர் வீ.ப.ஜெயசீலன் தலைமை வகித்தார். இந்நிகழ்ச்சியில், இந்திய கிரிக்கெட் அணி வீரர் நடராஜன் சிறப்பு விருந்தினராக கலந்து கொண்டார். கிரிக்கெட் விளையாட்டில் ஆர்வம் கொண்ட விருதுநகர் மாவட்டத்தைச் சேர்ந்த 150 மாணவ - மாணவியர் இந்நிகழ்ச்சியில் பங்கேற்றனர்.