லோகேஷ் - ரஜினியின் ‘கூலி’யில் நாகார்ஜுனா கதாபாத்திரம் அறிமுக போஸ்டர்!

சென்னை: லோகேஷ் கனகராஜ் இயக்கத்தில் ரஜினி நடிக்கும் ‘கூலி’ படத்தில் தெலுங்கு நடிகர் நாகார்ஜுனா நடிக்க உள்ளதாக அதிகாரபூர்வமாக அறிவிக்கப்பட்டுள்ளது. மேலும் ‘சைமன்’ என்ற அவரது கதாபாத்திர போஸ்டரையும் படக்குழு வெளியிட்டுள்ளது.

போஸ்டர் எப்படி? - கையில் தங்க நிற வாட்சை கட்டிக்கொண்டு, ப்ளாக் அன்ட் வொயிட்டில் மாஸான லுக்கில் கவர்கிறார் நாகார்ஜுனா. தாடியும், கூலிங் கிளாஸுமான தோற்றத்தில் காட்சியளிக்கும் அவரது அசால்ட்டான போஸ் கவனிக்க வைக்கிறது. ‘சைமன்’ கதாபாத்திரத்தில் அவர் நடிக்க இருப்பதாக அறிவிக்கப்பட்டுள்ளது. லோகேஷ் கனகராஜின் முந்தைய ‘லியோ’ படத்தின் வில்லன்கள் இருவருக்கும் ‘ஆண்டனி தாஸ்’, ‘ஹேரால்டு தாஸ்’ என பெயரிடப்பட்டிருந்தது.