'மிஷன்: இம்பாசிபிள் தி பைனல் ரெகனிங்' டீசர் எப்படி? - டாம் குரூஸின் மிரட்டும் ஆக்‌ஷன்

சென்னை: டாம் குரூஸ் நடித்துள்ள ‘மிஷன்: இம்பாசிபிள் தி பைனல் ரெகனிங்’ (Mission: Impossible The Final Reckoning) படத்தின் டீசர் வெளியாகி ரசிகர்களின் கவனத்தை ஈர்த்துள்ளது. படம் அடுத்த ஆண்டு மே மாதம் வெளியாகும் என அறிவிக்கப்பட்டுள்ளது.

டீசர் எப்படி? - அட்டகாசமான பின்னணி இசையுடன் தொடங்கும் டீசரில் பிரமாண்ட காட்சிகள் ரசிக்க வைக்கின்றன. கூடவே டாம் குரூஸில் மலைக்க வைக்கும் சாகசங்களும், அதிரடியும் ஈர்க்கிறது. கடல், பனிகட்டி என தண்ணீரைச் சுற்றியே பெரும்பாலான காட்சிகள் நகர்கின்றன. ‘ஏஐ’ மையமாக வைத்து முந்தைய பாகம் உருவாக்கப்பட்டது. இந்தப் பாகத்தில் நீரைச்சுற்றியே மிஷன் இருக்கும் என தெரிகிறது. விறுவிறுப்பாக நகரும் காட்சிகள், ஆர்வமூட்டும் பின்னணி இசை படத்தின் மீதான எதிர்பார்ப்பை அதிகரித்துள்ளன. படம் அடுத்த ஆண்டு மே மாதம் திரைக்கு வருகிறது.