விஷ்ணு விஷாலின் புதிய படம் ‘ஓர் மாம்பழ சீசனில்...’  - விரைவில் படப்பிடிப்பு

சென்னை: நடிகர் விஷ்ணு விஷாலின் பிறந்த நாளை முன்னிட்டு அவர் நடிக்கும் புதிய படத்தின் அறிவிப்பு வெளியாகியுள்ளது. படத்துக்கு ‘ஓர் மாம்பழ சீசனில்…’ என தலைப்பிடப்பட்டுள்ளது.

விஷ்ணு விஷால் நடிப்பில் அண்மையில் ‘லால் சலாம்’ திரைப்படம் வெளியாகி கலவையான விமர்சனங்களைப் பெற்றது. இந்தப் படத்தைத் தொடர்ந்து அவர் நடிக்கும் புதிய படத்துக்கு ‘ஓர் மாம்பழ சீசனில்…’ என தலைப்பிடப்பட்டுள்ளது. இந்தப் படத்தை ‘பேச்சுலர்’ படத்தின் இயக்குநர் சதீஷ் செல்வகுமார் இயக்குகிறார். படத்தை வேல்ஸ் ஃபிலிம் இன்டர்நேஷனல் சார்பில் ஐசரி கணேஷ் தயாரிக்கிறார்.