நடிகர் வெங்கல் ராவ் சிகிச்சைக்கு ரூ.2 லட்சம் அளித்து சிம்பு உதவி!

சென்னை: பிரபல நகைச்சுவை நடிகர் வெங்கல் ராவ் தனக்கு ஒரு கை, கால் செயலிழந்து விட்டதாகவும், உதவி செய்யுமாறும் கோரிக்கை விடுத்து வீடியோ வெளியிட்டிருந்த நிலையில், நடிகர் சிம்பு ரூ.2 லட்சம் கொடுத்து அவருக்கு உதவியுள்ளார்.

பிரபல நகைச்சுவை நடிகர் வெங்கல் ராவ். வடிவேலுவுடன் இணைந்து பல படங்களில் நகைச்சுவை வேடங்களில் நடித்துள்ளார். ஆந்திர மாநிலம் விஜயவாடாவைச் சேர்ந்த இவர், ஆரம்பத்தில் ஸ்டன்ட் நடிகராக பணியாற்றி வந்தார். பிறகு நகைச்சுவை பக்கம் திரும்பினார். இவர், கடந்த 2022-ம் ஆண்டு சிறுநீரக பிரச்சினையால் பாதிக்கப்பட்டார்.