அபலை: ‘இந்தப் படத்தை பாராதவர்கள் கொடுத்து வைக்காதவர்களே’

சினிமாவை விளம்பரப்படுத்த இன்றைய காலகட்டத்தில் சோஷியல் மீடியாவை அதிகம் பயன்படுத்துகின்றனர். இவை ஏதும் இல்லாத ஆரம்ப காலகட்டங்களில், இனிமையான இத்தனை பாடல்களைக் கொண்ட படம், மந்திர, தந்திர காட்சிகள் நிறைந்த படம், ஹாஸ்ய படம், குடும்பச் சித்திரம் என்றெல்லாம் விளம்பரம் செய்வார்கள்.

ஆனால், புதுமுகங்கள் நடித்த ஒரு படத்துக்கு மக்களை இழுக்க வித்தியாசமான விளம்பரங்களை கையாண்டிருக்கிறார், தயாரிப்பாளர் ஒருவர். அந்தப் படம் ‘அபலை’. பி.எஸ்.வி.ஐயர் இயக்கிய இந்தப் படத்தில் வசந்தகுமார், பேபி பாப்பா, வி.ஆர்.தனம், சீதாலக்ஷ்மி முக்கிய வேடங்களில் நடித்திருந்தனர். ஸ்ரீகிருஷ்ணா பிலிம்ஸ் இதைத் தயாரித்தது.