45-வது செஸ் ஒலிம்பியாட் போட்டி: இந்திய ஆடவர் அணி அஜர்பைஜானை வீழ்த்தியது

புடாபெஸ்ட்: 45-வது செஸ் ஒலிம்பியாட் போட்டி ஹங்கேரி நாட்டின் புடாபெஸ்ட் நகரில் நடைபெற்று வருகிறது. இதில் இந்திய ஆடவர் அணி தனது 5-வது சுற்றில், அஜர்பைஜானுடன் மோதியது.

முதல் ஆட்டத்தில் இந்தியாவின் டி.குகேஷ், அஜர்பைஜானின் அய்டின் சுலைமான்லியுடன் மோதினார். இதில் குகேஷ் 38-வது காய் நகர்த்தலின் போது வெற்றி பெற்றார். 2-வது ஆட்டத்தில் இந்தியாவின் ஆர்.பிரக்ஞானந்தா, அஜர்பைஜானின் நிஜாத் அபசோவை எதிர்கொண்டார். இந்த ஆட்டம் 34-வது காய் நகர்த்தலின் போது டிரா ஆனது.