தேசிய சீனியர் ஹாக்கி போட்டி: ஒடிசா அணி வெற்றி

சென்னை: தேசிய சீனியர் ஹாக்கி போட்டியின் லீக் ஆட்டத்தில் ஒடிசா அணி வெற்றி கண்டது. 14-வது ஆடவருக்கான தேசிய சீனியர் சாம்பியன்ஷிப் ஹாக்கி சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் நடைபெற்று வருகிறது.

இதில் நேற்று நடைபெற்ற லீக் ஆட்டத்தில் ஒடிசா அணி 9-0 என்ற கோல் கணக்கில் அருணாச்சல் அணியை வீழ்த்தியது. ஒடிசா அணியின் சார்பில் அஜய் குமார் எக்கா (15, 50-வது நிமிடங்கள்), கெரோபின் லக் (47, 53-வது நிமிடங்கள்), அமன்தீப் லக் (5, 25-வது நிமிடங்கள்) ஆகியோர் தலா 2 கோல்களும், செஸ் நிலம் சஞ்சீப் (11-வதுநிமிடம்), சுதீப் சிர்மாக்கோ (35-வது நிமிடம்), லக்ரா பிரதாப் (23-வது நிமிடம்) ஆகியோர் தலா ஒரு கோலும் அடித்தனர்.