ஹர்ஷல் படேல் முதல் நடராஜன் வரை: ஐபிஎல் 2024 விக்கெட் வேட்டையில் டாப் 5 வீரர்கள்

சென்னை: நடந்து முடிந்த ஐபிஎல் தொடரில் அதிக விக்கெட்டுகள் வீழ்த்தியவர்களுக்கான பர்ப்பிள் நிற தொப்பியை வென்றுள்ளார் ஹர்ஷல் படேல். ஐபிஎல் டி20 கிரிக்கெட் தொடரின் இறுதிப் போட்டியில் சன்ரைசர்ஸ் ஹைதராபாத் அணியை 8 விக்கெட்கள் வித்தியாசத்தில் வீழ்த்தி 3-வது முறையாக சாம்பியன் பட்டம் வென்றது கொல்கத்தா நைட் ரைடர்ஸ் அணி. பேட்ஸ்மேன்களுக்கு அதிக முக்கியத்துவம் கொடுக்கப்பட்ட இந்த சீசனில் பந்துவீச்சாளர்களும் திறம்பட செயல்பட்டனர். அதன்படி, இந்த தொடரில் விக்கெட் வேட்டை நடத்திய வீரர்களில் முதலிடத்தில் ஹர்ஷல் படேல் உள்ளார். விக்கெட் வேட்டையில் டாப் 5 வீரர்கள்:

ஹர்ஷல் படேல்: இந்த சீசனில் அதிக விக்கெட்டுகள் வீழ்த்தியவர்களுக்கான பர்ப்பிள் நிற தொப்பியை வென்றுள்ளார் ஹர்ஷல் படேல். இந்த சீசனில் பஞ்சாப் அணிக்காக விளையாடிய ஹர்ஷல், வழக்கம் போல் தனது ஸ்லோயர் பந்துகளை வீசி பேட்ஸ்மேன்களை வெளியேற்றினார். 14 போட்டிகளில் 24 விக்கெட் வீழ்த்தி முதலிடத்தில் உள்ளார். சராசரி 19.87, எகனாமி 9.73. சிறந்த பந்துவீச்சு 3/15.