முதல் நாளே அலப்பறை… புதுவரவுகளால் தாக்கம் நிகழுமா? | Bigg Boss Tamil 9

ஒவ்வொரு சீசனிலும் தவறாமல் நடக்கும் ஒரு நிகழ்வு இந்த சீசனிலும் அரங்கேறி இருக்கிறது. அது வைல்டு கார்ட் போட்டியாளர்களின் என்ட்ரி. பழைய போட்டியாளர்கள் பெரும்பாலும் சமூக வலைதள பிரபலங்கள் என்ற அளவில் மட்டுமே இருந்ததாலோ என்னவோ, வைல்டு கார்ட் மூலம் இறக்கிவிடப்பட்டுள்ள போட்டியாளர்கள் நால்வருமே விஜய் டிவி தயாரிப்புகளாவே இருந்துவிட்டனர்.

சீரியல் நடிகர் அமித் பார்கவ், தொகுப்பாளரும் நடிகருமான பிரஜின், அவரது மனைவி சாண்ட்ரா ஏமி, சீரியல் நடிகை திவ்யா. இதில் பிரஜின், சாண்ட்ரா இருவரும் ஜோடியாக பிக்பாஸ் வீட்டுக்குள் நுழைந்துள்ளனர். அதிலும் பிரஜின், தொகுப்பாளர் விஜய் சேதுபதியின் நெருங்கிய நண்பர் வேறு. மேடையிலேயே இருவரும் ‘மச்சான்’ என்று உரிமையுடன் பேசிக் கொண்டது ரசிக்கும்படி இருந்தது.