சீசன் முழுவதும் வெல்ல முடியாத அணியாக நாங்கள் விளையாடினோம்: ஸ்ரேயஸ் ஐயர் பெருமிதம்

சென்னை: ஐபிஎல் தொடரில் சீசன் முழுவதும் வெல்ல முடியாத அணியாக நாங்கள் விளையாடினோம் என்றுசாம்பியன் பட்டம் வென்ற கொல்கத்தா நைட் ரைடர்ஸ் அணியின் கேப்டன் ஸ்ரேயஸ் ஐயர் தெரிவித்தார்.

ஐபிஎல் தொடரில் நேற்று முன்தினம் சென்னை சேப்பாக்கம் எம்.ஏ.சிதம்பரம் மைதானத்தில் நடைபெற்ற இறுதிப் போட்டியில் சன்ரைசர்ஸ் ஹைதராபாத் அணியை 8 விக்கெட்கள் வித்தியாசத்தில் வீழ்த்தி 3-வது முறையாக சாம்பியன் பட்டம் வென்றது கொல்கத்தா நைட் ரைடர்ஸ் அணி. இந்த ஆட்டத்தில் முதலில் பேட் செய்த ஹைதராபாத் அணியை 113 ரன்களுக்கு சுருட்டியது கொல்கத்தா அணி. எளிதான இலக்கை விரட்டிய கொல்கத்தா 10.3 ஓவர்களிலேயே 114 ரன்கள் எடுத்து வெற்றி பெற்றது.