ஆர்யா தயாரிப்பில் சந்தானம் நடிக்கும் ‘டிடி ரிட்டர்ன்ஸ்’ அடுத்த பாகத்துக்கான பணிகள் தொடக்கம்
சந்தானம் நடிப்பில் வெளியாகி வரவேற்பை பெற்ற ‘டிடி ரிட்டர்ன்ஸ்’ படத்தின் அடுத்த பாகம் உருவாக உள்ளது. இந்தப் படத்தினை நடிகர் ஆர்யா தயாரிக்கிறார். இதற்கான படப்பணிகள் பூஜையுடன் தொடங்கியுள்ளன.
சென்னை: சந்தானம் நடிப்பில் வெளியாகி வரவேற்பை பெற்ற ‘டிடி ரிட்டர்ன்ஸ்’ படத்தின் அடுத்த பாகம் உருவாக உள்ளது. இந்தப் படத்தினை நடிகர் ஆர்யா தயாரிக்கிறார். இதற்கான படப்பணிகள் பூஜையுடன் தொடங்கியுள்ளன.
இயக்குநர் பிரேம் ஆனந்த் இயக்கத்தில் சந்தானம் நடிப்பில் கடந்த ஆண்டு திரையரங்குகளில் வெளியான படம் ‘டிடி ரிட்டர்ன்ஸ்’. இந்தப் படத்தில் சுர்பி, பெப்சி விஜயன், ரெடின் கிங்ஸ்லீ, லொள்ளு சபா மாறன், சாய் தீனா, மொட்ட ராஜேந்திரன், முனிஷ்காந்த் உள்ளிட்ட பலர் நடித்துள்ளனர். ஹாரர் - காமெடி படமாக உருவான இப்படம் ரசிகர்களிடையே நல்ல வரவேற்பை பெற்றது. இதன் எதிரொலியாக படம் ரூ.40 கோடிக்கும் அதிமான வசூலை ஈட்டியது.
What's Your Reaction?
